رجل 1: بالنسبة لإقامة الأمل جات في موقع لي هو مزيان، جات قريبة من سكة الطرام، وقريبة للمرجان واتقداو تقريبا ماكيناش شي خمسة دقائق على رجليك، كاينة لافاك عين السبع، بالنسبة لموضوع ديال الأمن كاينة الادارة العامة ديال الأمن كاينة عندنا هنا لداخل، يعني ماكينش مشكيل ديال الأمن ولا حتى شي حاجة، الدوريات ديال الأمن ديما تيدوزو ماكين تاشي مشكيل بالنسبة لهاد الناحية.
حسناء مصطالي-وسيط عقاري: كنتواجدو بمنطقة عين السبع إقامة الأمل بحكم حنا قراب بزاف للمراكز التجارية والجامعات ومنطقة صناعية عندا نفود كبير على الكراء والتخفيض من السومة الكرائية بالنسبة للعائلات.
حارس سيارات: تقريبا كلشي قريب هنا يعني سواء المحلبات أو المقاطعات، كلشي قريب الحمد لله هنا، مكينش شي إشكال هنا.
طفلة: كنسكن فعين السبع في حي الوفاق، المدرسة حدانا قريبة وحدانا دار الشباب
حسناء مصطالي -وسيط عقاري: فوق من 43 مجموعة سكنية موجودة هنا وجاء في موقع استراتيجي، مركز ديال الدار البيضاء قريب من الكليات والمراكز التجارية والمصانع بطبيعة الحال.
رجل 1: وسائل النقل كاينين الطاكسيات الكبار موجودين، والطاكسيات الصغار هادي هي الطريق ديالهم تيدوزو من هنا.
رجل 2: بالنسبة للإدارات العمومية كلشي قريب، الجماعة المحلية القيادة العمالة كلشي قريب، الأسواق التجارية، حدانا مرجان كاين سوق نموذجي قريب لينا حتى هو.
